चमचा निवाला केवळ मुखात भरवतो
जेवणाशेवटी तो उस्टाच ताटात उरतो
मालकाचं खाऊन झालं की त्याची तिचं वाट असते
इतर भांड्यांसोबतचं त्याचीहि धुलाई होत असते
धुलाई साठी त्याची काय विशेष प्रक्रिया नसते
याची अवस्था इतरांच्यात कुत्र्या सारखी असते
वाटायला वाटत की मालकाचा आपल्यात फार जीव असतो
याफक्त अफवा असतात मालकाला कुत्रा पाळायचा असतो
तो मात्र भ्रमात असतो की मी साहेबांशी एकनिष्ठ असतो
खरं हेच असतं की मालक त्याला धुलनिष्ठ समजत असतो
मालक खुश असतो कारण त्याला आढावा मिळत असतो
याचा भलताच रुबाब की मालक माझ्या मुठीत असतो
मालकाचे खबरी हजार त्यातला हा एक प्यादा असतो
हा जणू काही मालकाला आपला मित्रच समजत असतो
मालकांचा काय ओ तो अशांचा उपयोग करून घेतो
काम संपल्यावर कुळ्यांवर जोरदार लाथ मारतो
चमचा ज्या भरलेल्या वस्तूत असतो ती वस्तू खाली करतो
हाच त्याच अभिमान आणि हाच त्याचा संकल्प असतो
दाबक्यातल्या बेडकासारखं जगणारा हा याला स्वतःचा स्वाभिमान नसतो
चमच्यागिरी करण्यातच तो स्वतःच सुख, समाधान शोधात असतो
पगार वाढीच्या काळात हा अव्वल नंबरला असतो
स्वतःच्या स्वर्थासाठी इतरांची वाट लावत बसतो
इमानदारांचं काय ते तसें ही साहेबासमोर मेलेले असतात
चमचे मात्र धुर्त गोडी गुलाबीने आपला पगार वाढून घेत असतात
चमच्याची एक संपणारी तारीख फिक्स असते
ईमानदारी मात्र दीर्घकार मजबूत आणि टिकाऊ असते
ईमानदारीचं फळ खूप टिकाऊ आणि मजबूत असतं
कितीही त्याला दगडावर घसा ते नसंपणार पीक असतं
- यशवंत द. ओव्हाळ
No comments:
Post a Comment