झुंड नहीं टीम कहिये

 

"झुंड"

 "झुंड नहीं टीम कहिये"

संपूर्ण बॉलिवूडने मध्ये ईतिहास निर्माण करणारी घटना म्हणजे महामानव भारतरत्न डॉ. बाबासाहेब आंबेडकरांची जयंतीचा दृश्य दाखवणारी एकमेव घटना २०२२ मध्ये घडली. आम्ही लहानापासून ते आत्तापर्यती टीव्ही पाहत आलो आहोत पण अगदी लहानसा दृश्य कधी बॉलिवूडने किंबहुना रोजच्या सिलियलने  महामानवाची जयंती महोत्सव दाखवला नाही पण आज आमच्यावर आणि लाखो बहुजनांवर हे दृश्य दाखवून उपकार करणारे श्री. नागराज मंजुळे साहेब हेच एकमेव ठरले. एका फ्रेम मध्ये महामानव आणि महानायक रुपी इतिहास २०२२ मध्ये घडला. नागराज मंजुळेना आज मनापासून यांना साहेब म्हणावसं वाटतंय.

साहेब तुम्ही "झुंड" बनवून आम्हावरच केवळ उपकार केला नाहीत तर आमच्या नंतरच्या पिढीवर देखील उपकार केले आहेत. झुंड म्हणजे केवळ बाबासाहेबांची जयंती दृश्य नाही तर अनेक मनांवर तुम्ही परिवर्तन कसे होते याचे ज्वलंत उदाहरण दाखवले. मनुष्य जन्म  घेता आणि मरतो पण यशस्वी तोच होतो जो स्वतः मध्ये परिवर्तन निर्माण करतो. काळानुसार माणसाने बदलणे खूप गरजेचे आहे. झोपड्पट्टीच्या मुलांचे नाव आधीच खराब, व्यसनं, चोरी, मारामारी करणारी त्यात आपण त्यांना सन्मान मिळून दिलात. बिनकामाच्या पोरांना योग्य कामाला लावून तुम्ही वैचारिक परिवर्तनाची नवी पैदास केली. चांगले कर्म केल्याशिवाय उज्वल भविष्याची निर्मिती होत नाही हे पुन्हा एकदा सिद्द्य झाले.

तुमच्या झुंड कर्माला, झुंड निर्मितीला  सलाम !!!

~ यशवंत द. ओव्हाळ